Седумнаесет-годишниот Давид Зовко од Хрватска запоачна кампања на Kickstarter за да собере средства за реализирање на својата идеја Simavision. Се работи за додаток за телевизор или било каков монитор кој ја осветлува позадината според боите кои се прикажуваат на екранот. Во моментот има 5,723 долари, а неговата цел е да собере 42,000 долари.
„Станува збор за додаток за ТВ/монитор кој се лепи на задната страна на екранот и ја осветлува позадината во боите кои се прикажуваат на екранот. Добра работа на овој додаток е што троши малку струја бидејќи користи LED диоди, а исто така, може да се постави и на други места, освен на ТВ. Работи безжично преку Bluetooth.“, Давид накратко го објаснува концептот.
Ваков сличен проект веќе има Philips, а Давид ќе треба да поработи и на патентирање на овој проект, токму поради сличноста со веќе постоечките решенија кои ги има на пазарот. Тој со неговиот тим половина година работи на прототипот и сега се спремни за освојување на светот. Целиот опис на овој проект можете да го прочитате на Kickstarter страницата, а во продолжение можете да го погледнете видеото како ќе функционира Simavision.
Simavision: Your Television Aura from e-radionica.com on Vimeo.
The post 17 годишниот Давид од Хрватска на Kickstarter собра над 5.000 долари за својот проект Simavision appeared first on IT.com.mk.
